சீனியர் சிட்டிசன்களுக்கு சிறந்த திட்டம் எது? எதில் அதிக லாபம் கிடைக்கும்?

 

மூத்த குடிமக்களுக்கு பல முதலீட்டு விருப்பங்கள் உள்ளன. இதன் மூலம் அவர்கள் ஓய்வு பெற்ற பிறகு அவர்களின் வாழ்க்கையை நிதி ரீதியாக வலுவாக மாற்ற முடியும். மூத்த குடிமக்களுக்கு இரண்டு வகையான பிரபலமான முதலீட்டு திட்டங்கள் உள்ளன. மூத்த குடிமக்கள் சேமிப்பு திட்டம் (SCSS) மற்றும் மூத்த குடிமக்கள் நிலையான வைப்பு நிதி (SCFD) ஆகிய இரண்டு திட்டங்களும் மிகவும் பிரபலமானவை

இந்தத் திட்டங்களில் மூத்த குடிமக்கள் தங்களுடைய சேமிப்பு பணத்தை பாதுகாப்பாகவும் சிறந்த வருமானத்திற்காகவும் முதலீடு செய்யலாம். இருப்பினும், மூத்த குடிமக்கள் சேமிப்புத் திட்டத்திற்கும் மூத்த குடிமக்கள் நிலையான வைப்பு நிதித் திட்டத்திற்கும் என்ன வித்தியாசம் என்று நிறையப் பேர் யோசிக்கலாம். இரண்டில் எது முதலீடு செய்ய சிறந்த தேர்வாக இருக்கும் என்ற கேள்வியும் இருக்கலாம்.

மூத்த குடிமக்கள் சேமிப்பு திட்டம் VS ஃபிக்சட் டெபாசிட் திட்டம்!

மூத்த குடிமக்கள் சேமிப்புத் திட்டம் மூத்த குடிமக்களுக்கான ஓய்வூதிய நன்மைத் திட்டம் என்று அழைக்கப்படுகிறது. இதன் கீழ், 60 வயதுக்கு மேற்பட்டவர்கள் மொத்த தொகையை முதலீடு செய்வதன் மூலம் நல்ல வருமானம் பெறலாம். அதேநேரம், மூத்த குடிமக்கள் நிலையான வைப்புத்தொகை திட்டத்தின் கீழ் நல்ல வட்டி விகித ஒப்பந்தம் உள்ளது. இருப்பினும், இரண்டு திட்டங்களும் வெவ்வேறு நன்மைகளைக் கொண்டுள்ளன. அத்தகைய சூழ்நிலையில், முதலீட்டு செய்யும் நபர்கள் தங்களுக்கு எந்தத் திட்டம் சிறப்பாக அமையும் என்பதைத் தெரிந்து கொண்டு, அதுபற்றித் தீர்மானிக்க வேண்டும்.

மூத்த குடிமக்கள் சேமிப்புத் திட்டம்!

மூத்த குடிமக்கள் சேமிப்புத் திட்டம் என்பது பாதுகாப்பான முதலீட்டு திட்டம் என்று அழைக்கப்படுகிறது. இந்த திட்டம் 5 வருட முதிர்வு காலத்துடன் வருகிறது. நீங்கள் விரும்பினால், முதிர்ச்சிக்கு முன் மேலும் மூன்று ஆண்டுகளுக்கு நீட்டிக்கலாம். இந்தியாவில் உள்ள எந்த தபால் நிலையத்திற்கும் சென்று இதில் கணக்கு தொடங்லாம். இந்தக் கணக்கை நாட்டில் உள்ள எந்த கிளைக்கும் மாற்றிக்கொள்ளலாம்.

எஸ்பிஐ அம்ரித் கலாஷ் திட்டம்.. வட்டி எவ்வளவு?

இதில், குறைந்தபட்சம் ரூ.1,000 முன்பணமாக செலுத்த வேண்டும். இதற்குப் பிறகு, நீங்கள் விரும்பினால் அதை ரூ. 1000க்கு மேல் எந்தத் தொகையாக வேண்டுமானாலும் அதிகரிக்கலாம். இந்தத் திட்டத்தில் தொடர்புடையவர்கள் வருமான வரிச் சட்டம், 1961 இன் 80சி பிரிவின் கீழ் ரூ. 1.5 லட்சம் வரை வரி தள்ளுபடியைப் பெறலாம்.

மூத்த குடிமக்கள் நிலையான வைப்பு நிதி திட்டம்!

சாதாரண FD திட்டத்துடன் ஒப்பிடும்போது, மூத்த குடிமக்களுக்கு வங்கி அதிக வட்டி அளிக்கிறது. பொதுவாக, மூத்த குடிமக்களுக்கு வங்கிகள் 0.5 சதவீதம் கூடுதல் வட்டி அளிக்கின்றன.

மாதாந்திர, காலாண்டு, அரையாண்டு அல்லது ஆண்டுதோறும் வட்டித் தொகையைப் பெற முதலீட்டாளர்கள் வெவ்வேறு விருப்பங்களைப் பெறுகின்றனர். சில நிலையான வைப்புகளுக்கு, முதிர்வு காலம் 5 ஆண்டுகள் அல்லது அதற்கும் அதிகமாகும். இதில் நீங்கள் வரிச் சலுகைகளையும் பெறலாம்.

மூத்த குடிமக்கள் சேமிப்பு திட்டத்தில் அதிகபட்ச முதலீட்டு வரம்பு உள்ளது. அதேசமயம், FD திட்டத்தில் அதிகபட்ச முதலீட்டிற்கு வரம்பு இல்லை. இது தவிர இது பல விருப்பங்களுடன் வருகிறது.