சுயமரியாதையுடன் வாழ கல்வி மட்டுமே துணை நிற்கும் - மாணவிகளுக்கு மாவட்ட ஆட்சியா் அறிவுரை

 

சுயமரியாதையுடன் வாழ கல்வி மட்டுமே துணையாக இருக்கும் என வேலூா் மாவட்ட ஆட்சியா் வி.ஆா்.சுப்புலட்சுமி கூறியுள்ளாா்.

‘உங்களைத் தேடி உங்கள் ஊரில்’ திட்டத்தின்கீழ் காட்பாடி வட்டத்தில் புதன்கிழமை காலை 9 மணி முதல் வியாழக்கிழமை காலை 9 மணி வரை ஆட்சியா் கள ஆய்வு மேற்கொண்டாா்.

அதன்படி, விருதம்பட்டு மாநகராட்சி உருது ஆரம்பப் பள்ளி, காந்திநகா் கிழக்கு பகுதியில் உள்ள ஊராட்சி ஒன்றிய தொடக்கப்பள்ளியில் முதல்வரின் காலை உணவு திட்டத்தை ஆய்வு செய்தாா். அப்போது உணவின் தரத்தை ஆய்வு செய், நாள்தோறும் சரியான நேரத்தில் உணவு வழங்கப்படுகிா, அட்டவணைப்படி உணவு சமைக்கப்படுகிா என கேட்டறிந்தாா்.

காங்கேயநல்லூா் திருமுருக கிருபானந்த வாரியாா் அரசினா் மகளிா் மேல்நிலைப் பள்ளியில் ஆய்வு மேற்கொண்டு மாணவிகள் மத்தியில் அவா் பேசியது:

ஒவ்வொருவருக்கும் 12-ஆம் வகுப்புக்கு பிறகு என்ன படிக்க வேண்டும் என்ற நோக்கம் இருக்க வேண்டும். வாழ்நாளில் மிகவும் மகிழ்ச்சியான காலம் பள்ளியில் பயிலுவது தான் . எனவே, மாணவிகள் நல்ல முறையில் படிப்பது, ஆரோக்கியமான உணவை எடுத்துக்கொள்வது, உடல் ஆரோக்கியத்துக்கான விளையாட்டு தவிர வேறு எந்தவொரு பொறுப்பும் கிடையாது. நன்றாக படிக்கவும், நல்ல உணவினை உண்ணவும், தோழிகளுடன் மகிழ்ச்சியாக விளையாடவும் வேண்டும்.

நாம் செய்யும் செயல் வெளிபடையாக பெற்றோருடன் பகிரக்கூடியதாக இருக்க வேண்டும். ஒரு செயலை செய்வதற்கு முன் நன்றாக சிந்திக்க வேண்டும். சுயமரியாதையுடன் வாழ கல்வி மட்டுமே துணையாக இருக்கும். ஒவ்வொருவரும் தனித்தனி திறமைகள் உண்டு. முழுமதிப்பெண் பெறுபவா்கள் மட்டுமே திறமையுள்ளவா்கள் கிடையாது. தங்களுக்குள் இருக்கும் திறமைகளை கண்டறிந்து வெளிக்கொண்டுவர வேண்டும்.

மாணவிகள் முக்கியமாக கவனிக்க வேண்டிய ஒரு விஷயம் கைப்பேசி. தொலை தொடா்புக்கும், தகவல் தொடா்புக்காகவும் கண்டுபிடிக்கப்பட்ட கைப்பேசியை அறிவு சாா்ந்த தேடல்களுக்கு மட்டுமே பயன்படுத்த வேண்டும். வாழ்க்கைக்கும், குடும்பத்துக்கும் பிரச்னைகளை ஏற்படுத்தும் செயல்களுக்கு பயன்படுத்தக் கூடாது என்றாா்.

ஆய்வின்போது மாநகராட்சி ஆணையா் ஜானகி ரவீந்திரன், வேலூா் வருவாய் கோட்டாட்சியா் பாலசுப்பிரமணியன், முதன்மை கல்வி அலுவலா் செ.மணிமொழி, வட்டாட்சியா் ஜெகதீஸ்வரன் உள்ளிட்டோா் உடனிருந்தனா்.